جنگ

جَنَگ: ( جَ نَ گ) کسے ءَ پہ لٹّ، مُشت یا دگہ چیزے چوپگ ـ پہ ھر، اپس، گوک یا اُشتر ءَ کہ نر آئی ءِ سر ءَ سر کپ ایت آپ جَنَگ: تستگیں مردم یا دلوت ءَ اُگبال ءِ جَنَگ: بزاں ھَکّ ءِ جَنَگ آوار جَنَگ: پہ زور چیزے ءِ برگ آہ جَنَگ: جَنتر ءِ چُگ جَنگ پاد جَنَگ: بزاں ترّ ءُ تاب کنگ پساں پَلّ ءَ جنگ: بزاں پَلّ گوازینگ تُک جَنَگ: لِبز جَنَگ ٹاہ جَنَگ: نہ بیتگیں کار کنگ چمّ جَنَگ: بزاں پہ کارے ءِ کنگ ءَ سُستی کنگ یا پہ لالچ یا تُرس دستاں دارگ ءُ اُٹ کنگ چمّ ءِ جَنَگ: بزاں چمّ ءِ کونسانی پلپٹگ، پہ دوستیں مردمے ءِ یا چیزے ءِ گندگ ءَ مستاگ زانگ بیت دپ جَنَگ :پہ تْرندی گپ جنگ دست جَنَگ: پہ کارے ءِ کنگ ءَ سستی کنگ، دستے جَنَگ: مزنیں تاوانے دیگ دست ءُ پاد جَنَگ: بزاں جُھد ءُ کوشست دل ءِ جَنَگ: چہ دل ءَ مارگ ءُ زانگ یا دل ءِ دْریک دْریک کنگ دلوت ءِ جَنَگ: پہ لٹّ، پہ دگہ چیزے دیم ءِ جَنَگ: مردمے ءِ داتگیں چیز ءِ واتر کنگ دیھ جَنَگ : بلا ءِ جَنَگ ڈَکّ جَنَگ: بزاں شرت ءِ ایر کنگ راہ جَنَگ: دیریں راہ بُرّگ زھم جَنَگ: مزنین ءُ ٹوھیں کار ءِ کنگ (پہ شگان ءُ ٹوک) سات ءِ جَنَگ: بزاں سپر ءِ کنگ سر جَنگ: پہ گنوکی اد ءَ اود ءَ دست جَنگ سر سر جَنَگ: نادراہ ءِ چہ درداں، پہ گاریں چیزے ءَ سلاہ جَنَگ: داوت دیگ پہ ورگ ءُ ،پہ دیوان ءُ مجلس یا پہ کارے ءِ کنگ ءَ کسے ءَ میار ترینگ سُھر جَنَگ: تلاہ ءِ سَھت (زیور) اڈ کنگ کِشار ءِ جَنَگ: بزاں تاک جَنَگ گِل ءِ جَنَگ: بزاں گل ءِ تر کنگ گوش ءَ جَنَگ: سھی کنگ، ھال دیگ، مالوم دار کنگ لاپ ءِ جَنَگ یا لاپ ءِ لگت جَنَگ: بزاں کسے ءِ روزیگ ءَ بند کنگ لِبز جَنَگ: بزاں تُک جَنَگ لَد جَنَگ: ڈگار ءِ ورّودیں دْرچکانی گُڈّگ لشکر ءِ جَنَگ: بد دْوائی یے ماھیگ ءِ جَنَگ: ماھیگ ءِ گوں کُنڈی یا ماھور ءَ اَڑگ مَچّ جَنَگ: بزاں کشگ مُلک ءِ جَنَگ: بزاں مکل ءِ پُلگ نگن ءِ جَنَگ: وتی مھربانیں مردمے ءَ گوں دگا کنوکیں مردم اگاں سکّی ءُ سوری یا زیانی ءَ دوچار بہ بیت گڑا گوش اَنت 《آئی ءَ پلانی ءِ نگن ءَ جَتگ》 واد جَنگ: ماھیگ ءِ گوشت ءِ ھکّ جَنَگ: بزاں اُگبال ءِ جَنَگ

جَنگ: ( جَ ن گ) مڑگ ـ میڑ ـ جنگ ءُ چوپ ـ ڈاہ ۱- پڑ جَنگ: بزاں پَٹّ ءِ جنگ ۲- ہیش جَنگ :جَنگ ءَ پیش کَپگ ۳- دُز جنگ: بزاں بے گَت ءُ گمانیں جَنگ ۴- زِر جَنگ: بزاں دریا ءِ تہ ءِ جَنگ ۵- شم جَنگ: بزاں دارگ ءُ جَنگ کنگ ۶- گپ جَنگ: ھبرانی جَنگ ـ سَھتانی جَنگ بزاں سَھت ءُ زیورانی بُرّ ءُ تراش

جِنگ:(جِ ن گ) کسانیں مُرگے

جُنگ: بچار 《جونگ》