بگل

بگل(بَ گْ. لْ): بلگ، ھما بز بزین ءُ سک لِچناک ءُ ڈِکّیں لِبز کہ گوں شھکارگ یا جکّگ ءَ چہ پُپّاں در کیت.

بَگَل(بَ گَ لْ): دست ءِ باسک ءِ کُٹّ اِتگیں ھدّ ءِ چیری کلّ کہ اود ءَ پُٹ ھم رُد ایت. چہ سْروش ءَ بُرز باسک ءِ چیر ءُ پھنات ءِ جاگہ . رُتگیں کاہ یا دگہ کشار ءِ دو تاکہ سے گْواپ یک"بگلے" ھمینچک کاہ یا دار یا دگہ انچیں چیزے کہ "بگل ءَ جاگہ اِش بہ بیت" یا کہ بگل کنگ ءُ برگ بہ بنت بگل ءَ کنگ: بگل ءِ چیر ءَ کنگ، بگل کنگ: گُلائیش کنگ. کِش ءُ بگل: کشگ ءَ بگل ء بار ، بڈ ءُ بگل بڈ ءُ بار سر ءُ بگل: ھما مردم کہ بار ئِے سر ءَ ھم بہ بیت ءُ بگل ءَ ھم. بگل ءَ کنگ: کشگ ءَ کنگ بگل ءَ پترگ: پہ باھوٹی ءُ پناہ ءَ بگلاں گرگ: باسکاں گرگ یا گُلائیش کنگ. بگلک جنگ: چہ وشی بانزلک جنگ بگلاں گْوات دیگ: پہ ٹھل ءُ وتگندی.

بگُل(ب گُ ل): مردینی نامے، ھیز ءُ کناریں مردم ، جنینو .

بِگِل(بِ گِ لْ): چہ تاس ءَ جوڑ بوتگیں تْرند تواریں سُرنایے کہ ماں پوج ءُ لشکراں کارمرز بیت [گال در آمدے] انگ: BUGGLE