پونز

پونز: ( پ وْ نْ زْ ) ھمے پونز ، مردم ءِ ھمے اندام کہ چہ دوئیں چمّانی میانجی ءَ بنگیج بیت ءُ داں کہ سری لُنٹ ءِ سر ءَ رس ایت کہ ھمے جاگہ زنڈ تر بیت دوئیں ٹُنگ گرانز بنت ، چارپادیں ساھداراں درستاں پر اِنت ، ایشی ءِ مستریں کار بو چنگ ءُ ساہ کشّگ اِنت

پونز: ( پ وْ نْ زْ ) ھمے پونز ، مردم ءِ ھمے اندام کہ چہ دوئیں چمّانی میانجی ءَ بنگیج بیت ءُ داں کہ سری لُنٹ ءِ سر ءَ رس ایت کہ ھمے جاگہ زنڈ تر بیت دوئیں ٹُنگ گرانز بنت ، چارپادیں ساھداراں درستاں پر اِنت ، ایشی ءِ مستریں کار بو چنگ ءُ ساہ کشّگ اِنت چمّ ءُ پونز: بزاں شرترین ءُ جوان تریں کاٹار پونز: ھما کہ پونز ئِے سکّ برز اِنت شیپگ پونز: ھما کہ پونز ئِے تچک ءُ دْراج اِنت لِپّتگ پونز: ھما کہ پونز ئِے لِپّ اِتگ ، ھمے رنگ ءَ پتن پونز ، گْونڈیں پونز ءَ گوش اَنت,, کُرّ پونز ،، پونز ءِ باھوٹ بیگ: میار بیگ ، کسے ءِ گْور ءَ پہ میار بندی روگ ءُ وت ءَ آئی ءِ میار کنگ ، منّت وار بیگ پونز ءِ بُرّگ: بدنام کنگ ، سکّیں گندگیں کارے ءِ کنگ ، بے ازّت کنگ ، بے شرپ کنگ پونز ءَ بندگ: میار کنگ ، باھوٹ کنگ پونز ءَ بیگ: سوکیگ بیگ ، پھک سیہ دل یا دل سیہ بَیَگ ، بیزار بَیَگ ، شِزار بَیَگ پونز ءِ پُٹ بیگ: انچوش کہ چمّ ءِ پُٹ بیگ,, بزاں یک کارے ءِ کنگ ءَ سکّ ھزگ ءُ تورگ ءُ پھریزگ پونز ءِ دیم ءَ بیگ ( یا کہ بوَگ ): ازّت دار ءُ شرپ دار بیگ پونز ءِ دیم ءَ دیگ: پہ ازّت کنگ ، پہ شرپ کنگ ، پردگ ءَ ایر کنگ ، کسے ءَ چہ بنّامی ءَ رکّینگ ، کسے ءَ وشنام کنگ پونز ءِ سُچگ: پونز کہ سُچ ایت مردم ءَ باز تکلیپ بیت ءُ تور ایت ءُ سوکیگ بیت - گْوش اَنت پلانی ءِ پونز سُچ ایت پونز ءِ سُمبگ: پہ سُھر ءُ سھت ءِ پر کنگ ءِ ھاتر ءَ پونز ءِ گرانز ءُ پِڈّانی ٹُنگ کنگ پہ پونز کشک رندگ: کسے ءَ پہ واری دیگ ءِ ھاتر ءَ پرمایگ کہ پہ پونز زمین ءِ سر ءَ کشک بہ رند ایت پونز ء گِرَگ: منّت گرگ، منّت کنگ، منّت زیرگ، بکشی ءُ درگْوزی لوٹگ پونز ءُ گوش کنگ: کسے ءِ گوش ءُ پونز ءَ بُرّگ ، ( گوش ءُ پونز کنگ ) پونز ءِ لتارگ یا کِچینگ: پونز کہ کُلکچ ایت گڑا لتارگ بیت ، پہ درور ءَ ھما مردم ءَ گوش اَنت کہ پہ نگیگی سر جنت پونز ءِ بھر: پونز ءِ جند ءِ ھر یک بھرے ءَ نام پر اِنت انچوش ماں ھر زبان ءَ بیت ، پونز ءِ ھڈّ ، پونز ءِ دار ، پونز ءِ گْرانز ، پونز ءِ نَرمگ ، پونز ءِ پِڈّ ، پونز ءِ لَٹّ ، پونز ءِ دومّگ ، پونز ءِ کِرّ ، پونز ءِ پُٹ

پونزّ: ( پُ وْ نْ زّ ) پینز ، پاد ءِ پینز بزاں لگت ءِ پُشت ءِ بھر کہ کمّیں پونزگ کشّ ایت ، ایشی ءَ باز جاگہ ءَ کینزّ ( کِ یْ نْ زّ ) ھم گوش اَنت ٢- پونزّ کنگ: زھر کنگ ٣- پونزّ بیگ: ٹھل بیگ ، بے پرواہ بیگ