گُٹ

گٹ : (گَ ٹْ ٹْ) . راهے کہ دو کوه ءِ شَم ءَ بہ گوز ایت ، راهے کہ بند بہ بیت ، بند ، تنک ، گَٹّ ءُ گَر .

گٹ : (گَ ٹْ ٹْ) . گَٹّ بوَگ پہ زرّے چیزے ءَ ، گٹّ بوگ راه ءِ ، گَٹّ پاچَگ ، گَسّگ ، گَٹّ کنگ : مردم ءِ یا کچک ءِ یا رسترے ءِ ، گَٹّ گرَگ : نیبگ ءِ _ گٹّ ءَ گرگ : تنک ءَ بند کنگ پہ دژمن ءَ ، گَٹّ ءَ گشاد کنگ : مشکل ءَ آسان کنگ .

گٹ : (گُ ٹْ ٹْ) . مردم ءِ توار ءِ درآیَگ ءِ جاگہ . گُٹّ ءِ برَگ : باز جاک ءُ جلّل کنگ کہ گُٹّ بہ رَوت . گُٹّ ءَ بندگ : سَکّ پهریزگ _ گُٹّ ءَ دیَگ : هار ، کید یا کنڈیک ءِ ، لوپ ءِ . گُٹّ ءِ رَوگ : زیادهیں جاک جنَگ ءَ گُٹّ رَوت . گُٹّ ءِ ریسّینگ : باز جاک جنَگ پہ کسے ءِ پلّہ مرزی ءَ . گُٹّ ءَ کپگ : پہ زور کسے ءِ سر ءَ کپَگ ، گُٹّ ءَ لوپ بیگ ، چَٹّی بیگ . گُٹّ ءِ گرَگ : گُٹگیر کنگ ، دستاں کسے ءِ گُٹّ ءَ سَکّ دیگ . گُٹّ کنگ : ماهیگ ءِ گُٹّ ءَ بُرّگ ءُ آئی ءِ روتاں کشّگ بلے لاپ ءِ تَل نہ کنگ . گُٹّ ءَ لوپ بیگ : کسے ءِ سر ءَ چَٹّی بیگ ، گُٹّ ءَ کپگ . گُٹّ ءَ لوپ کنگ : وتی یا دگرے ءِ سر ءَ چَٹّی ءے دَور دیَگ .

گٹ : (گُ ٹْ ٹْ) . کڑب "گُٹّ" اِنت بزاں هوشگ ئِـے بستگ بلے دنیگا هوشگ چہ پوست ء‍َ درنیاتکگ ءُ نہ گیشّ اِتگ بزاں "گَبّ" اِنت - بلے "گَبّ" پہ گَلّہ ءَ گوشگ بیت ، دور ءِ گُٹّ بزاں راگا ءِ بُن .

گٹ : (گُ ٹْ ٹْ) . آپیں چیزے ایر بَرَگ ءِ اندازگ ، گُٹّے آپ ورگ ، گُٹّ ءُ گُلاٹ .