لاپ

لاپ :( لَ اپْ) مردم یا دگہ ساھدار ءِ ھما جاگہ کہ آئی ءِ ورگ ھمود ءَ رو اَنت. درستیں ھمے جاگہ کہ روت ئِے مان اِنت. لاپ ءِ بُرّگ: بزاں تَل دیگ لاپ ءِ بُرّگ : بزاں وتی لاپ ءَ نہ ورگ ءُ زَرّ مُچ کنگ یا کہ دگرے ءَ دیگ. لاپ چارینگ : لاپ گرگ ءُ ورگ ، لاپ ولینگ. لاپ دیگ: ورگ دیگ لاپ دیگ ءُ آیگ یا روگ: بزاں دیریں جاگھے ءَ پہ کارے یا پہ لالچے آیگ یا رَوَگ. لاپ ءِ سُچگ : سکّ تورگ چہ کار بیرانی یا تاوانے ءِ ورگ ءَ. لاپ ءِ رودینگ: پَزّور بیگ: لاپ ءِ سِندگ: لاپ ءِ بُرّگ ـ لاپ ءَ کپگ ـ چُکّ ءِ لاپ ءَ تُھم بندگ ـ چہ لاپ ء َ کپگ ـ بزاں چہ بیکاری ءَ بے وردن بَیگ. لاپ کنگ: روت کنگ بزاں ورگ ( چوش پہ وشنیتکی یا پہ مشکرا گْوش اَنت) ماھیگ ءِ لاپ کنگ: بزاں بُرّگ ءُ تل کنگ ـ دردلاپ کنگ: بچار " لاپ کنگ " .لاپ گِرگ: بچار " لاپ ولینگ " ـ لاپ ءِ لگت جنگ: کسے ءِ روزی ءِ پشت ءَ کپگ ، کسے ءِ با پُشت ءَ انچیں ھبر کنگ کہ چہ کار ءَ کَشّگ ءُ بے روزگار کنگ بہ بیت ـ لاپ ولینگ ، لاپ چارینگ ، پہ ھما کس ءَ گْوش اَنت کہ ابید چہ وتی لاپ ءِ شوھاز ءَ دگہ ھچ نہ کنت.