برگ

بُرْگ

بَرگ: (بَ رْ گْ )تاھیر، انسرگ، انسرتگی، ترہ، ترھگ، سکّیں مزنیں تاھیر، مرگ دروریں تاھیر، سکّیں مزنیں اوپار

بَرَگ: (بَ رَ گْ )یک چیزّے ءِ زیرگ ءَ روگ ،چیزّے ءَ گوں وت زیرگ ءُ روگ ،مردمے وتی ھمراہ کنگ ءُ روگ ، آپ ءِ برگ: چیزے ءَ آپ بارت ،ببا دیگ شرت یا بَے ءَ دیگ ،تاون ورگ - میاریگ بَیگ: اک :ترا آپ ءَ برتگ ،دلوت ءَ آپ ءَ برگ: پہ آپ وارینگ یا آپ ءِ آرگ ءَ -دگرے ءِ ڈگار ءِ آپ ءَ پہ وت ترّینگ ءُ بَرگ - آرام برگ: بے تاھیر کنگ -آس برگ: تپنگ ءِ سْرَپگ ءُ تیر ءَ بَرگ -ایر برگ: چہ گُٹ ءَ پہ لاپ ءَ جھلاد کنگ ،پِلِکّگ - باج برگ: گیش بیگ ،باج برگ ،کَٹَگ - بار برگ: اولاک بار ءَ پہ منزل ءَ رسینگ - بد برگ: زھر گرگ ،نہ وشّ بیگ - بُن برگ: یکپارگی برگ - بیر برگ: ھملہ کنگ ،پہ جنگ ءَ دیم ءَ روگ ءُ پیش دست بیگ - پادانی برگ: اگاں کسے گوں مردمے ءَ بدی یے بہ کنت کہ بے آسر بہ بیت پد ءَ بدی کنوک ءَ پہ ھما مردم ءَ کار بہ کپ ایت بلے چہ میاریگی ءَ شت نہ کنت گوش اَنت,, پلانی ءَ اود ءَ پاد نہ بر اَنت,, یا,, پلانی ءَ اود ءَ چتور پاد بر اَنت,, - تام ءِ برگ: سلک ءِ برگ ،اگاں گپّے پد ماں پد جنگ بہ بیت گوش اَنت,, تو اے گپ ءِ تام برتگ,, مردم ءِ دلسیاہ کنگ ءَ ھم گوش اَنت,, تو مئے تام برتگ,, - تاھیر ءِ برگ: بے تاھیر کنگ ،بے آرام کنگ -تپنگ ءِ برگ: تپنگ ءِ سرپگ ءُ آس برگ - تیر ءِ برگ: تیر ءِ آس برگ - در برگ: چہ چیزے ءَ زانتکار بیگ ،وانگ ءُ در برگ ،گوں کسے ءِ سوج دیگ ءَ آئی ءِ سرجَمیں سوجاں زانگ - درد ءِ برگ: پہ درمان یا دم ءُ چوپ در ءِ کشگ - دل ءِ برگ: واھگدار ءِ دوستار آئی ءِ دل ءَ بارت بزاں پہ وت بے سار ءُ وادار ئِے کنت ،جاتیگ مردم ءِ دل ءَ بارت کہ مردم مر ایت بلے پہ ایشی ءَ,, دل ءِ کشگ,, ءِ گالبند راستر اِنت - دم برگ: کھگ ،کین کنگ ژند بیگ چہ باز کار کنگ ءَ یا راہ ءِ روگ ءَ یا دْرک کنگ ءَ یا گیشیں اوشتگ ،نندگ ،وپسگ ءَ مردم ءِ جند نگیگ بیت ءُ یک رنگیں نزوری یے ءِ سما بیت - راہ ءِ برگ: کسے ءَ ماں راہ ءَ برگ ،راہ ءِ در برگ بزاں زانگ - روزگار ءِ برگ: پہ بے سر ءُ بے آسریں کارے ءَ سر جنگ ،گوں بے سیتّیں کارے ءَ ھولگ -زھر برگ: زھر گرگ - زھم ءِ برگ: بزاں بُرّگ - ساہ ءِ برگ: کشگ ،ملکموت ساہ ءَ بارت - سر برگ: جند ءِ روگ بتل,, سر بہ روت پہ بازار مال مہ روت پہ بازار,, - شرت ءِ برگ: بے ءِ برگ - گیگ ءِ برگ: کار ءِ برگ ،کار ءِ در برگ - کسّہ ءِ برگ: کسے یکے دیم ءَ داستان ءُ کسّھے کار ایت ھما گوشداروک یکیں رند ءِ اشکنگ ءَ بارت ئِے بزاں در ئِے بارت ءُ پہ دل یات ئِے کنت -گْوَہ برگ: شاھدی دیگ ،گْواھی دیگ - گْروہ ءِ برگ: گْروھتاچی یا دگہ انچیں مرداں گیشی کار ءَ باج برگ ءُ گیش بیگ -لیب ءِ برگ: گیش بیگ ،لیب ءِ کٹگ -لاپ ءِ برگ: دست دیگ ، درمانے کہ لاپ ءَ بارت بزاں لاپ ءَ ریچ ایت - لچّہ ءِ برگ: چہ کسے ءَ لچّہ ءِ اشکنگ ءُ یات کنگ - لوگ ءِ برگ: سالونک ءَ تھت ءَ برگ ،سیر ءِ بنگیجی شپ ءَ کہ سالونک ءَ بانور ءِ لوگ ءَ بر اَنت - مردگ ءِ برگ: پہ مانش ءَ کل کنگ ءَ برگ - مردم ءِ برگ: مردم ءِ دُزّگ ءُ برگ یا پہ ھمراھی ءِ ھاتر ءَ برگ - نگن ءِ برگ: روزیگ ءِ برگ: بزاں کسے ءِ کار ءُ روزگار ءَ چہ آئی ءَ پچ گرگ - واب ءِ برگ: واھگدار ءِ ترانگ ءُ پہ آئی ءَ بے تاھیری مردم ءِ واب ءَ بارت بزاں واب نئیت ،ھمے رنگ ءَ دگہ دوستیں مردمے ءِ ھاتر ءَ شپاں دانکہ بے وھد ءَ بے سیتّیں گپ ءُ دیوان کنگ ءُ چمانی واب ءِ برگ,, پلانی ءَ وت ءَ ھچ نہ بیت بلے مئے واب ئِے برتگ - وام برگ: چیزے ءَ اے رنگ ءَ برگ کہ آئی ءِ زرّ رند ءَ دیگ بنت - ھوش ءِ برگ: زانت ءُ سما ءَ برگ ،اَڑینگ ،چہ بازیں گپّاں یا کہ جاکاں مردم پْریشان کنگ ،بے ھوش کنگ ،بے سار کنگ

بُرگ: (بُ رَ گْ )چیزے ءِ ایردگ بیگ ءُ رچَگ ،,,ریپوڑ,, ءَ دست جن ئے بُر ایت ءُ رچ ایت ،اے گال ءَ ,, بُڑگ,, ھم گوش اَنت

بَرَّگ: (بَ رْ رَ گْ )باں بَرّگ ،ھیران بیگ ،اباشکو بیگ ،گنگ سر بیگ ٢-کسانیں گیمی ماھیگے

بُرّگ: (بُ ر. رَگ) گوں کارچ یا دگہ انچیں چیزے ءَ یک چیزے ءِ کپّ کنگ، تَل دیگ، راک دیگ، ٹُکّر کنگ ، سوچاکیں یا سک سوریں یا تْرپشیں چیزے ءِ لِلّک یا کچرکاں بُرّگ. آپ ءِ بُرّگ: آپ ءِ دِرّگ ، گْراب یا بوجیگ ءِ ، گْوازینگ یا آ دست بیگ ، بے سیتّیں کار کنگ انچوش کہ "آپ ءِ سر ءَ کِشک کَشّگ یا آپ ءِ منتگ" اَمب ءِ بُرّگ: بتل : امب ءِ بُرّگ ءُ کَرگ ءِ پَلّ کنگ. بار ءِ بُرّگ: بارانی بُرّگ: پہ جیڑھی یا پہ بد زوراکی کسے ءِ باراں بُرّگ ءُ آئی ءِ اولاکاں برگ. بند ءِ بُرّگ: ڈگار ءِ بند ءَ جنَگ بزاں گُڈّگ ءُ آئی ءِ آپ ءِ برائینگ. دوستی ءُ ھمدلی ءِ کُٹّگ "گوں ما پلانی ءِ بند ءَ بُرّ اِتگ" یاکہ "پلانی ءَ وتی بند بُرّ اِتگ" ھمے رنگ ءَ "اے بند پہ "تَیل" بزاں ساد رنگیں ھر چیزے کہ دو چیز ءَ یکجا بست کنت ءِ بزانت ءَ ھم منّگ بیت بلے اے گالبند ھما ڈگار ءِ "بند" ءَ گوں سیادی کنت. پُشت ءِ بُرّگ: بڈّ ءِ بُرّگ پہ واری دیگ ءَ. پلک ءِ بُرّگ: آسن یا تھتگ ءِ پتن ءُ دْراجیں ٹُکّر ءِ بُرّگ . پند ءِ بُرّگ : دیریں راھے ءَ روگ دْراجیں راھے ءِ بُرّگ. پنگ ءِ بُرّگ: جنینے کہ گندگیں کارے بہ کنت آئی ءِ مُٹّ ءِ بُرّگ. پونز ءِ بُرّگ: پہ بیرگیری یا پہ ردیں دژمنی کسے ءِ پونز ءَ پہ کارچ بُرّگ کہ گوش ھم بُرّگ بنت کہ ایشی ءَ "گوش ءُ پونز کنگ" گْوش اَنت . بنّام کنگ، نام دپ، گندگیں کارے ءِ سبب ءَ بدنام بیگ "پلانی ءَ راج ءِ پونز بُرّ اِت" پیشّ ءِ بُرّگ: داز ءِ بُرّگ ، آزاتیں کارے ءِ کنگ توری سیتّ ئِے کم بہ بیت. تلار ءِ بُرّگ: سکّیں گْرانیں کارے ءِ کنگ. جان ءِ بُرّگ: پہ واری دیگ ءَ جان ءِ بُرّگ ءُ دیگ: ھرچ رنگیں کُمک کنگ، سر ءُ مالی کُمک کنگ. جگر ءِ بُرّگ: سکّیں واری دیگ، گمانی جگر ءِ بُرّگ: بزاں انچیں گْرانیں گم کہ جگر بُرّ اَنت. جمبر ءِ بُرّگ: ھور ءِ گْوارگ ءَ رند یاکہ جمبر ءِ بندگ ءَ رند جمبرانی ٹُکّر ٹُکّر بَیگ ءُ گار بیگ ، تْرس ءِ ھلاس بیگ ، مسیت ءِ دیر بیگ ، جیڑہ ءِ سلاہ بیگ. جنگ ءِ بُرّگ: بزاں سلاہ بیگ ، سُھل ءُ ترام بیگ . جنگل ءِ بُرّگ: مزنیں کارے کنگ، پہ کِشت ءُ کشار ءَ زمین جوڑ کنگ، جنگل ءَ بُرّگ چات ءِ بُرّگ: تلاریں زمین ءَ چات ءِ جنَگ. چاہ ءِ بُرّگ: تلاریں زمین ءَ چات ءِ جنگ. چر ءِ بُرّگ: دْراجیں کنڈ ءِ جنَگ کہ پہ آس روک کنگ ءَ کارمرد بیت یاکہ کلات ءِ چاگرد ءَ پہ دیمپانی. چُکّ ءِ بُرّگ: یھودی ءُ مسلمانانی دود ءُ ربیدگ اِنت کہ چُکّانی لُلّ ءِ لوپُک ءَ بُرّ اَنت. چمّ ءِ بُرّگ: داکتری ءُ درمانکاری بُرّ بین کنگ. دار ءِ بُرّگ: جان کُشیں کار کنگ، چہ جنگل ءَ دار بُرّگ. دپ ءِ بُرّگ: ناہ ءِ یا پات ءِ یا دگہ انچیں چیزے ءِ دپ ءِ بُرّگ ءُ پچ کنگ ، تیز ءُ سوچاکیں چیزے کہ ورگ ءَ دپ ءَ بہ بُرّ ایت. دْرچک ءِ بُرّگ: پہ دار یا پہ کاہ ءِ ھاتر ءَ دْرچک ءِ گُڈّگ. دْروگ ءِ بُرّگ: بزاں دْروگ بندگ ، دْروگ تْراشگ دْروگانی بُرّگ: دْروگانی پاشک بیگ، راست ءِ سھرا بَیگ. دست ءِ بُرّگ: وت ءَ زوریں تاوان دیگ. دل ءِ بُرّگ گمانی: دِل بُرّیں گم دل ءَ بُرّ اَنت. دلوئیگ ءِ بُرّگ: دلوئیگ کہ پاد کیت پاد کیت ایشی ءِ درمان دارگ ءِ یک رھبندے ایشی ءِ بُرّگ اِنت بلے پہ دم ءُ چوپّ ءُ رِک ءُ پِک. دُمب ءِ بُرّگ: لِٹّک کنگ، نشان کنگ، بنّام کنگ، بے رند کنگ. ڈِمپگ ءِ بُرّگ: بُرزگیں جاگھے ءَ بُرّگ ءُ گوں زمین ءَ ھملسون کنگ ، کارے ءَ پہ تچکیں رھبندے دَور دیگ. ڈَکّ ءِ بُرّگ: تنکیں کوھی راھے ءَ بُرّگ ءُ مزن کنگ ، گْرانیں کارے کنگ. ڈلوک ءِ بُرّگ: پہ ڈلوک جوڑ کنگ ءَ سِنگ بُرّگ. ڈوک ءِ بُرّگ: جان کُشیں کار کنگ، سِنگ بُرّگ. راہ ءِ بُرّگ: دْراجیں سات جنَگ، پند جَنَگ ، مشکلے آسان کنگ. رگ ءِ بُرّگ یاکہ رگانی بُرّگ: پاد ءِ اِٹّکیاں بُرّگ، وھداں سرداراں وتی جِستگیں گلامانی پادانی رگ بُرّ اِتگ اَنت کہ تتک مہ کن اَنت ایشی ءَ "گْریپّو کنگ" ھم گوش اَنت. زبان ءِ بُرّگ: پہ واری دیگ، پہ پاتْرپّ ءُ بیھار گْوشگ" اگاں تو دگہ برے چوش بہ گْوش ئے تئی زبان ءَ بُرّ آں" زردئیگ ءِ بُرّگ: پہ درمان ءِ ھاتر ءَ پہ رِک ءُ پِک ءُ دم ءُ چوپّ گوشانی سر ءَ پہ استرگ جن اَنت کہ زردوئیگ روت. سر ءِ بُرّگ : کُشگ ، سنگ ءِ بُرّگ : جان کُشیں کار کنگ شاہ ءِ بُرّگ: دْرچک ءِ شاہ ءُ لمب ءِ بُرّگ. شرت ءِ بُرّگ: شرت ءِ پروشگ ، بَے ءِ پْروشگ. شیر ءِ بُرّگ: زگریں شیر کہ دیر ءَ ایر بیت یا چہ تیزیں بُوے ءَ بُرّ ایت، مستگ دیر ءَ ایر بہ بنت یاکہ بُن اِش گیش بہ بنت گڑا تْرپش بنت ءُ آپ اِش ھم باز بنت. کاہ ءِ بُرّگ: کاہ ءِ رُنگ، کِکّ ءِ بُرگ: کِکّ رُنگ ، کِکّ ءِ تاک ھم بُرّ ایت. چوکہ استرگ ءَ سک بارگ بُر ایت. کچرک ءِ بُرّگ: تیزیں چیزے بہ ور ئے کچرکانی نازُرکیں پوست ءَ بُر ایت، چِبٹ ءِ ورگ ءَ باز بر ءَ کچرک ریش بنت. کَرس ءِ بُرّگ: گْراب ءُ بوجیگ ءِ دگہ دریائی اولاکانی ھما ساد ءِ بُرّگ کہ گوں دگہ دریائی اولاک یاکہ بَندر ءَ بستگ ، ھمراھی ءِ یلہ دیگ. دْروھ گ ، یلو دیگ. چہ تاوان ءُ بیرانی ءِ تْرس ءَ چہ ھمراھاں سر سِند بیگ کَور ءِ بُرّگ: کَور وتی راہ ءَ وت بُرّ اِیت. کَورجو ءِ بُرّگ: کَورجو جوڑ کنگ کہ پہ کِشار ءَ آپ رسینگ بہ بیت. کوہ ءِ بُرّگ: جان کُشیں کار کنگ کھن ءِ بُرّگ: کھن ءِ آرگ ، کھن ءِ کشّگ. گار ءِ بُرّگ: کوہ ءَ بُرّگ ءُ گار جوڑ کنگ. گام ءِ بُرّگ: چُک کہ نوکی پاداں کپ ایت گڑا آئی ءِ گاماں بُرّ اَنت. مَچّی ترّیں پیش زیر اَنت چک ءِ پاداں پاند کن اَنت . لوگ ءِ دپ ءَ شکر ءُ روگن (شکّل) آئی ءِ دپ ءَ دے اَنت ءُ گوں تیزیں کارچے ءَ ھمے پاند ءَ بُرّ اَنت ءُ یکے آئی ءَ کوپگاں کنت ءُ پہ دْرک کشّے راہ ءَ روت ءُ دْرک ءَ پد ءَ کیت ، وشمنّی ایش اِنت کہ چُک راہ ءَ زوت روت ءُ تیز بیت ءُ زندمانی ءِ کارانی تہ ءَ ھم ھمے رنگ ءَ زْرنگ بیت . لاپ ءِ بُرّگ: یکے ءِ روزیگ ءَ پچ گرگ . لاپ ءَ لگت جنَگ یکے ءِ نگن ءَ پچ گرگ ، وت کم ورگ ءُ وتی یاکہ دگہ کسے ءَ رودینگ. ماھیگ ءِ بُرّگ: ٹُکّر کنگ، مُٹ ءِ بُرّگ: بنّام کنگ یاکہ بدیں کار ءِ سزا ءَ چوش کنگ. مچّ ءِ بُرّگ : مچّ ءِ ھوشانی بُرّگ میکّ ءِ بُرّگ: کُکّڑے کہ ھیک نہ دنت آئی ءِ سْریں کرز ءِ گُڈّی سر ءَ کہ دُمب ءَ کُٹ ایت کہ دِبزی اِنت بُرّ اَنت . ناپگ ءِ بُرّگ: چُک ءِ پیداگ بیگ ءَ رند آئی ءِ ناپگ ءِ رگ کہ گوں پوش ءَ سک اِنت، بُرّ اَنت ءُ جتا ئِے کن اَنت. ناہ ءِ بُرّگ: ناہ کہ ماں پات ءَ اِنت بُرّگ ءُ آئی ءِ دپ ءَ پچ کنگ . نمب ءِ بُرّگ: نمب اگاں باز بیت بلے روچ کہ در کیت چہ ایشی ءِ گرمی ءَ ھلاس بیت گْوش اَنت "نمب ءَ نی بُرّ اِتگ" نود ءِ بُرّگ: چو جمبر ءَ پُٹّہ پُٹّہ بیگ ءُ گار گار بیگ. نودانی بُرّگ، نود ھر وھد باز بنت یکّے ھجبر نہ بیت.